بالهناء والشفاء : قوالب البطاطس بالسوسيس ؟أو النقانق

المقادير:
ثمرة بطاطس كبيرة
كيس صغير سوسيس أو سجق أو النقانق
½ كوب جبنة رومي مبشور
2 ملعقة كبيرة زيت زيتون
ملح وفلفل
4 بيضات
الطريقة:
1- قطّعي السوسيس لمكعبات صغيرة، وشوّحيها في زيت الزيتون على النار لمدة 5 دقائق.
2- قطّعي البطاطس لمكعبات صغيرة وضيفيها مع السوسيس، وقلّبيهم مع بعض على النار لغاية ما البطاطس تستوي، وبعد كده ارفعيهم وحطّيهم على مناديل ورق علشان الزيت يتصفّي.
3- هاتي قوالب الكب الكيك وادهنيها بطبقة خفيفة من الزيت أو السمنة، وابدئي حطّي الجبنة الرومي وضيفي عليها خليط البطاطس والسوسيس.
4- اخفقي البيض مع الملح والفلفل، وضيفيه على القوالب وحطّي كمية صغيرة من الجبنة الرومي كطبقة أخيرة، وحطّي القوالب في الفرن لمدة من 15 : 20 دقيقة، 

وبعد كده طلعيها وقدّميها.. وبالهنا والشفا.