بالهنا والشفا ء سمك فيليه على الطريقة المكسيكية

المقادير:

2 شريحة سمك فيليه
¼ كوب زيتون أخضر مقطّع حلقات
2 ثمرة فلفل أخضر مقطّع حلقات
½ بصلة مقطعة قطع صغيرة
3 ثمرة طماطم مقطّعة حلقات
2 ملعقة كبيرة عصير ليمون
ملح وفلفل أحمر وفلفل أسود
2 ملعقة كبيرة زيت زيتون
2 ملعقة صغيرة توابل
3 فص ثوم مفرومة

الطريقة:
1- سخّني الزيت وضيفي عليه البصل، وسيبيهم على النار لمدة 7 دقائق، بعد كده ضيفي الثوم وقلّبيهم مع بعض على النار، بعد كده ضيفي الفلفل الأخضر والطماطم والزيتون الأخضر والتوابل، وقلّبيهم على نار هادية لمدة 5 دقائق، وبعد كده ارفعي الخليط من على النار وسيبيه على جنب.

2- قطّعي شرائح الفيليه نصفين، بعد كده هاتي صينية وادهنيها بزيت الزيتون، وضيفي عليها كمية بسيطة من خليط الخضراوات، وبعد كده ضيفي 2 شريحة سمك، وتبّليهم بفلفل أسود وفلفل أحمر وملح، بعد كده حطي عليه طبقة تانية من الخضراوات وعليهم ملعقة عصير ليمون، بعد كده ضيفي 2 شريحة سمك وكرّري نفس الخطوات، بعد كده حطي الصينية في الفرن لمدة 20 دقيقة وقدّميها وبالهنا والشفا.